Eid el Fitr Marekani

mustafa

Aliyekuwa Balozi wa Tanzania nchini Marekani Mhe. Mustafa Nyang’anyi (kulia) akiwasili kwenye park ya Wheaton, Maryland kwenye sherehe ya Eid El Fitr iliyoadhimishwa Alhamisi Aug 8, 2013 baada ya mfungo wa mwezi wa Ramadhani kuisha. Sherehe hii iliyoandaliwa na jumuiya ya Waislam waishio DMV, TAMCO pia ilihudhuriwa na Balozi wa Tanzania nchini Marekani Mhe. Liberata Mulamula.

Balozi Mulamula akiwasili kwenye park ya Wheaton huku akilakiwa na Afisa Ubalozi Suleiman Saleh.

Mhe. Balozi Liberata Mulamula akisalimiana na aliyekuwa Balozi wa Tanzania nchini Marekani, Mhe. Mustafa Nyang’anyi wakiwemo viongozi wa TAMCO na wajumbe wa Jumuiya ya Watanzania DMV.

Mhe. Balozi Liberata Mulamula akiwa mgeni rasmi kwenye sherehe ya Eid El Fitr iliyofanyika Wheaton, Maryland, kulia ni Afisa Ubalozi Abbas Missana.

Balozi Liberata Mulamula akiongea Jambo na Balozi Mustafa Nyang’anyi.

Ustaadh akielezea maana ya mfungo wa Ramadhani wakati alipofungua rasmi sherehe ya Eid El Fitr iliyofanyika DMV iliyowajumuisha Watanzania wote waishio DMV na marafiki zao.
Mmoja ya viongozi wa TAMCO, Asha Nyang’anyi akiongea machache kwenye sherehe hiyo.

Aliyekuwa Balozi wa Tanzania nchini Marekani, Mhe. Mustafa Nyang’anyi akiongea machache kwenye sherehe hiyo ya Eid El Fitr iliyofanyika DMV huku akisisitiza umoja wa Watanzania ni kitu muhimu sana bila kujali itikadi zao, alisema amefurahi kukuta TAMCO aliyoianzisha wakati ule yeye akiwa Balozi wa Tanzania nchini Marekani bado inaendelea kwa nguvu zote pia  Balozi Nyang;anyi alisisitiza Watanzania Waache majungu huku akisema kama mtu una jambo linakukera ni bora uliweke wazi kwani majungu hayajengi, pia aliendelea kwa kusema uwazi wa mapato na matumizi ni jambo kubwa kwenye jumuiya zetu lisipokuwa wazi Wanajumuiya hukosa imani na viongozi wao na hatima yake hufanya Jumuiya kulegalega na baadae kufa.
Mhe.Balozi Liberata Mulamula naye alisisitiza umoja wa Watanzania na kuimwagia sifa Jumuiya ya Waislamu DMV (TAMCO) kwa mshikamano walionao na jitihada zao za kuwaunganisha Watanzania wa DMV bila kujali itikadi za dini zao na kusema kwamba kuanzia jana yeye amejiunga rasmi na atakuwa mwanachama wa kudumu wa TAMCO pia aliwakumbusha enzi ya kidongo chekundu na Zanzibar sikukuu ya Eid ilivyokuwa ikisherehekewa pia alikabidhi Eid yake kwa Afisa Ubalozi Abbas Missana kwa ajili ya  watoto waliokuwepo kwenye sherehe hiyo.

Balozi Mulamula akichukua chakula kilichoandaliwa na Farida Catering.

Balozi Mustafa Nyang’anyi akijumuika na Watanzania wa DMV kwenye chakula cha Eid.

Baadhi ya Watanzania waliohudhuria sherehe ya Eid El Fitr.
Aunty Jasmine akimshukuru Balozi Mulamula kwa kukubali wito wa kujumuika nao japo ndio kwanza amekuja 
nchini Marekani pia alimshukuru Balozi Nyang’anyi na watu wote waliofika kwenye sherehe hiyo.


Mhe. Balozi katika picha ya pamoja na Viongozi wa TAMCO.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s