MHESHIMIWA RAIS JOHN POMBE MAGUFULI ATOA SALAMU ZA MWAKA MPYA 2019

  • Mheshimiwa Rais John Pombe Magufuli atoa salamu za mwaka mpya 2019 kwa Watanzania

  • Aelezea mafanikio ya maendeleo na mafanikio ya uchumi ya mwaka 2018

  • Awaomba Watanzania kujenga na kuendeleza upendo, umoja, mshikamano, amani na kuendelea kufanya kazi ya kulijenga taifa

  • Atoa taswira ya mustakbali wa mwaka 2019 kuwa ni mwaka wa mafanikio zaidi kwa uwezo wa Mwenyezi Mungu

  • Awataka watumishi wa umma kufanya na kutekeleza wajibu wa kazi kwa kufuata sheria bila ya kuwaonea wananchi

  • Awaomba wanaostahiki kulipa kodi waendelee kulipa kodi, wakulima waendelee kulima, wanafunzi wasome, wafanyabiashara waendelee biashara

  • Aiona Tanzania mpya ipo njiani na awataka Watanzania wa dini zote na makabila yote kuwa ni sehemu ya kuijenga Tanzania mpya

  • Aiombea Tanzania kwa kumtanguliza Mwenyezi Mungu na auombea mwaka mpya na Watanzania wote baraka

Advertisements

RAIS WA ZANZIBAR NA MWENYEKITI WA BARAZA LA MAPINDUZI MHESHIMIWA ALI MOHAMMED SHEIN ATOA SALAMU ZA MWAKA MPYA 2019

shein

RAIS wa Zanzibar na Mwenyekiti wa Baraza la Mapinduzi Mhe. Dk. Ali Mohamed Shein, akitoa salamu za Mwaka Mpya wa 2019, Ikulu Zanzibar.(Picha na Ikulu)

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein amewataka wananchi  wa Zanzibar kuendelea kuidumisha hali ya amani na utulivu ambayo ndio msingi wa mafanikio yanayoendelea kupatikana hivi sasa na yatakayopatikana hapo baadae.

Dk. Shein aliyasema hayo leo katika risala yake ya kuukaribisha mwaka mpya wa 2019 aliyoitoa kupitia vyombo vya habari, Ikulu mjini Zanzibar.

Rais Dk. Shein alisema kuwa katika utekelezaji wa mipango ya maendeleo ya mwaka 2018 mafanikio makubwa yamepatikana ambayo yamechangiwa na kuwepo kwa amani, mshikamano, umoja na mapenzi yaliopo.

Katika risala yake hiyo Rais Dk. Shein alieleza kuwa hali ya amani, umoja na mshikamano uliopo nchini ni jambo muhimu linalowavutia Washirika wa maendeleo ambao wanaridhika na jitihada zinazochukuliwa na Serikali ya Mapinduzi ya Zanzibar na ndio maana wanaiunga mkono katika mipango yake ya maendeleo.

Alisema kuwa hapana shaka kwamba iwapo amani, usalama na utulivu vitadumishwa na kufanya kazi kwa bidii Washirika wa Maendeleo watakuwa pamoja na Zanzibar katika kuisaidia ili kuweza kutekeleza malengo yaliyopangwa.

Rais Dk. Shein alitoa shukurani kwa wananchi wote kwa kuunga mkono juhudiza serikali za kuiletea maendeleo Zanzibar na kueleza kuwa moyo wao huo wa umoja na mshikamano umewezesha kuimarisha vizuri hali ya uchumi wa Zanzibar.

Hata hivyo, Dk. Shein alitoa shukurani nyingi kwa wananchi wote kwa kuunga mkono juhudi za Serikali za kuiletea maendeleo Zanzibar ambapo moyo wao huo wa umoja na mshikamano umewezesha kuimarisha vizuri hali ya uchumi wa Zanzibar.

“Tukiwa tunaukaribisha mwaka mpya wa 2019, nachukua fursa hii kwa niaba ya wananchi wote  wa Zanzibar kuwashukuru kwa dhati  Washirika wetu wa Maendeleo kwa kuendelea kutuunga mkono, tunathamini mikopo, misaada na ushauri tulioupata kutoka kwao”, alisema Dk. Shein.

Aidha, Rais Dk. Shein alisisitiza kuwa wakati unakaribishwa mwaka 2019 ni wajibu wa kila Taasisi ya Serikali ikajipima namna inavyoendelea kutekeleza mambo yaliyoagizwa katika Ilani ya CCM ya Uchaguzi Mkuu wa mwaka 2015-2020.

“Nawakumbusha viongozi wenzangu viongozi wenzangu wote wa CCM tuliochaguliwa na wananchi katika Uchaguzi Mkuu wa 2015, uliorudiwa mwezi Machi, 2016. Kadhalika jukumu hili wanapaswa walizingatie na wale wote niliowateua katika nyadhifa mbali mbali”,alisema Dk. Shein katika risala yake hiyo.

Katika risala yake hiyo Rais Dk. Shein alizitaja kumbukumbu za matukio yalitokea katika mwaka 2018 ikiwa ni pamoja na utiaji wa saini wa Mkataba wa Mgawanyo wa Uzalishaji wa Mafuta na Gesi Asilia (PSA), baina ya Kampuni ya Maendeleo ya Mafuta na Gesi Asilia na kampuni ya RAK GAS ya Ras Al Khaimah.

Aliongeza kuwa tukio jengine la kihistoria ni kufanyika kwa Tamasha la Utalii la Kimataifa ambalo lilihudhuriwa na Makampuni 150 ya Utalii ya ndani na nje ya nchi ambalo lilileta mafanikio katika kuwaunganisha wafanyabiashara wa utalii wa Zanzibar na wale wa Kimataifa na kuitangaza Zanzibar katika masoko ya Kimataifa.

Alieleza kuwa mwaka 2018 umefungua milango katika utekelezaji wa dhamira ya kuendeleza kilimo cha mpunga kwa njia ya umwagiliaji maji na utumiaji wa zana za kisasa ambapo tarehe 6 Disemba, 2018 Serikali ilitiliana saini Mkataba wa Ujenzi wa Miundombinu ya Kilino cha Umwagiliaji maji na Kampuni ya Kokon Hansol JV ya Jamhuri ya Korea kupitia Shirika la Maendeleo la nchi hiyo.

Pia, Rais Dk. Shein alieleza kuwa katika lengo la kuungana na nchi nyengine katika kuendeleza uchumi wa Bahari tarehe 26 hadi 28 aliongoza Ujumbe wa Jamhuri ya Muungano wa Tanzania katika mkutano wa Kimataifa uliofanyika Nairobi nchini Kenya.

Alisisitiza kuwa kwa upande wa Zanzibar inauanza mwaka 2019 ikiwa imejipanga kwa kutafuta njia bora za kutumia rasilimali za bahari kwa kuitumia vizuri bahari ya Hindi iliyoizunguka kwani hili ni eneo muhimu kwa uchumi wa Zanzibar.

Akieleza jambo jengine muhimu ambalo limefanyika katika mwaka 2018, Rais Dk. Shein alisema kuwa tukio linalohusu jitihada za Serikali za kuwakinga wanawake wa Zanzibar na janga la saratani ya shingo ya kizazi ambapo mnamo April 10 Mama Mwanamwema Shein alizindua rasmi Mpango wa Chanjo dhidi ya Ugonjwa wa Saratani ya Shingo wa Kizazi.

Vile vile, tarehe 5 Disemba 2018 alizindua Mpango wa Miaka Minne wa Uchunguzi wa Saratani ya Shingo ya Kizazi ambao unawajumuisha wanawake wenye umri wa miaka 21 hadi 65 kazi ambayo itafanywa kwa kushirikiana na Wataalamu kutoka Jamhuri ya Watu wa China ambapo huduma zote pamoja na matibabu zitatolewa bure.

Rais Dk. Shein alieleza kuwa Zanzibar inasifika kwa uzuri wake, historia yake na khulka nzuri za watu wake na hali ya usalama iliyopo ambapo Serikali nayo inafanya jitihada za kuhakikisha kwamba sifa njema ya Zanzibar ya kuwa ni sehemu salama yenye utulivu inaendelea kwua ni kichocheo cha kuwavutia wageni, watalii na wawekezaji sambamba na kurahisiha utekelezaji wa mipango ya kamedneleo.

Hivyo, mnamo tarehe 3 Novemba 2018 ulizinduliwa rasmi  Mradi wa Ulinzi wa Mji Salama ambao lengo lake ni kuhakikisha hali ya usalama kwa kutumia CCTV na vyombo vyengine vya kisasa ambapo dhamira ni kuendeleza mradi huu katika Mikoa mengine ya Unguja na Pemba hatua kwa hatua.

Licha ya mafanikio hayo yaliopatikana mwaka 2018, Rais Dk. Shein alieleza kuwa bado kunahitajika kuzidisha mapambano dhidi ya udhalilishaji wa wanwake na watoto na unyanyasaji wa kijinsia kwa vile kesi za vitendo hivyo bado zinaendelea kuripotiwa kwenye maeneo mbali mbali.

Sambamba na hayo, Rais Dk. Shein aliwaahidi wananchi wote kwamba wale wote watakaobainika kwamba wamehusika kwenye tukio la uvujaji wa mitihani ya kidato cha Pili kwenye sekta ya elimu watachukuliwa hatua kali za kisheria.

Aliongeza kuwa tukio hilo ni la kusikitisha, linalokwenda kinyume na mipango ya maendeleo ya elimu ambalo halijengi mustakbali mwema wa elimu kwa watoto na kuwataka wananchi kujifunza athari za tukio hilo kwa Serikali, Wizara, Walimu, Wazazi, Wanafunzi na nchi kwa jumla.

Akimalizia risala yake hiyo, Rais Dk. Shein alitoa wito kwa wananchi wote kushiriki kwa wingi katika shughuli mbali mbali za kuadhimisha miaka 55 ya Mapinduzi Matukufu ya Zanzibar ya Januari 12, 1964 zitakazofanyika katika maeneo yao kwani hizo ni sherehe zao kila mmoja ahakikishe anashiriki ipasavyo katika hatua zote.

MHESHIMIWA RAIS JOHN POMBE MAGUFULI AKUTANA NA VIONGOZI WA TAASISI MBALIMBALI ZA WAFANYAKAZI NA MIFUKO YA HIFADHI YA JAMII, AELEZEA SINTOFAHAMU ILIYOTOKEA KATI YA TAASISI ZA HIFADHI YA JAMII ZA SERIKALI NA ZA SEKTA BINAFSI NA WANACHAMA WAO, AZIAGIZA TAASISI ZA HIFADHI YA JAMII KUTOKUFANYA MATUMIZI MABAYA YA PESA, AZIAGIZA KUTOKUFANYA UWEKEZAJI USIO NA TIJA KWA PESA ZA WAFANYAKAZI, ATOA UAMUZI KWA MASLAHI YA WAFANYAKAZI WAENDELEE NA MALIPO YA MFUMO ULIOKUWA UKITUMIKA KATIKA KIPINDI HIKI CHA MPITO (MPAKA 2023), AZITAKA TAASISI KUJA NA ‘FORMULA’ MPYA KABLA YA KIPINDI CHA MPITO KWISHA KWA KUTANGULIZA MASLAHI YA WAFANYAKAZI

UHURU WA TAIFA (SOVEREIGN STATE) NA MAAMUZI YAKE YA NDANI YA NCHI

Kipindi kirefu sasa kumekuwa na mkanganyiko wa maana ya neno la Kizungu “Sovereignty” (uhuru wa taifa kutoingiliwa mambo yake ya ndani).

Ningependa kuielezea maana ya neno hili kiakademia na kwa ufupi kabisa:

Bwana Evans & Newnham (1998) wafafanua neno ‘Sovereignty’: ni “… a double claim: autonomy in foreign policy and exclusive competence in internal affairs. Internal sovereignty thus refers to a supreme decision-making and enforcement authority with regard to a particular territory and population“.

Maana yake, neno ‘Sovereignty’: “… lina madai mawili: kuwa taifa lenye uhuru wa maamuzi ya kisheria katika sera zake na mahusiano yake ya nchi za nje, na pia kuwa na uwezo wa kipekee wa kisheria katika mambo yake ya ndani. Maana ya uhuru wa mambo ya ndani ya taifa, ni taifa huru kuwa ndiye muamuzi wa juu kabisa na ndiye mwenye mamlaka ya utekelezaji na kujifanyia mambo yake yaliyo ndani ya mipaka yake na watu wake.”

Bwana Evans & Newnham (1998) wanaendelea kufafanua: “External sovereignty on the other hand refers to its antithesis: the absence of a supreme international authority and hence the independence of sovereign states”.

Maana yake: “Uhuru wa taifa kwa mambo yake ya nje ya nchi ni kinyume chake: ya kwamba hakuna taifa lolote la nje lenye mamlaka ya juu (zaidi ya taifa huru) na hivyo kila taifa ni huru (katika mambo yake ya ndani na watu wake)”.

Kwa ufupi, taifa huru mbali ya kuwa na uwezo wa kufanya mambo yake lenyewe linavyoona ni sawa na kutungia sheria kwa kulinda maslahi ya ndani ya mipaka ya taifa lake (territory), lakini pia, taifa huru lina uwezo wa kulinda maslahi ya ndani ya watu wake (population) kwa maana ya raia wake, kwa mfano raia wa Tanzania, na kadhalika, na hiyo ndiyo maana ya kuwa taifa huru (Sovereign state).

Ufafanuzi wa neno ‘Sovereign’ umetokana na Mwanafalsafa wa Kiingereza, bwana Thomas Hobbes (1909, chapa ya kwanza 1651) ambaye aliamini ya kwamba taifa lolote lazima liwe imara na lijikinge kutoingiliwa katika sheria zake na mataifa ya nje katika mambo yake ya ndani ya mipaka yake na watu wake wa ndani ya nchi (mipaka yake, raia wake, na kadhalika). Kinyume chake, ni taifa kukosa nguvu kujiendesha na kulinda watu wake kisiasa, kiuchumi na kijamii.

Bwana Thomas Hobbes (1909) kutahadharisha mamlaka ya taifa huru kuamuliwa na kuingiliwa mambo yake ya ndani ya nchi amefananisha mataifa ya nje ni mfano wa dudu la kishetani lililotajwa kwenye biblia (Isaya 27:1) linaloitwa Leviathan ambalo likiachiwa kutawala linaweza kuleta machafuko ndani na nje ya nchi (tafsiri ya mtazamo wangu katika karne ya 21).

Imeandikwa na:

Saleh J. Katundu

24/12/2018

MAREJEO:

Evans, G. & Newnham, J. (1998) International Relations. United Kingdom: Penguin Books.

Hobbes, T. (1909) Leviathan. Oxford, United Kingdom: Clarendon Press.