MHESHIMIWA RAIS JOHN POMBE MAGUFULI AZINDUA MRADI WA (NHC) NYUMBA ZA MAKAZI DODOMA, AONYA VIKALI KWENYE USIMAMIZI WA MATUMIZI YA FEDHA, AITAKA NHC IJITATHMINI ILI IFUATE MUELEKEO WA SERIKALI WA KUWANUFAISHA WANANCHI KWA MATUMIZI BORA YA PESA, AAGIZA SHERIA YA ARDHI YA KUZIKIWA VIONGOZI WAKUU WA NCHI ILIYOPO DODOMA IFUTWE NA ARDHI HIYO IRUDI KWA WANANCHI

Advertisements

MWENYEKITI WA CCM TAIFA NA RAIS WA JAMHURI YA MUUNGANO WA TANZANIA MHESHIMIWA RAIS JOHN POMBE MAGUFULI AFUNGUA MKUTANO WA JUMUIYA YA WAZAZI MJINI DODOMA LEO

  • Mwenyekiti wa CCM taifa na Rais wa Jamhuri ya Muungano wa Tanzania, Mheshimiwa John Pombe Magufuli, afungua mkutano wa Jumuiya ya Wazazi, mjini Dodoma leo

  • Katika hotuba yake, Mheshimiwa Magufuli aishukuru Jumuiya ya Wazazi kwa mualiko na aipongeza jumuiya hiyo kubaki na msimamo wa chama

  • Apokea ushauri wa Jumuiya ya Wazazi kupewa nafasi sawa na Jumuiya ya Vijana bungeni na awahakikishia kwamba jumuiya zote tatu za Chama Cha Mapinduzi zitaendelea kutambulika na awahakikishia kwamba Jumuiya ya Wazazi haitofutwa kwasababu ni jumuiya mojawapo ya CCM kwa umuhimu wake kichama na kitaifa

  • Aielezea Jumuiya ya Wazazi ambayo historia yake ilianzishwa mwaka 1955 ilitambulika kwa jina Tanganyika African Parents Association (TAPA), ambayo ilianzishwa na baba wa taifa, Mwalimu Julius Kambarage Nyerere, na hivyo hatoiacha ikapotea kwenye mikono yake. Madhumuni makubwa ya TAPA yalikuwa kuhimiza elimu na malezi bora kwa vijana

  • Baada ya uhuru, Jumuiya ya Wazazi ikaundwa mwaka 1978 na kuongezewa majukumu mengine matatu kama afya, mazingira na uchumi, na kuendelea na majukumu hayo mpaka hii leo na kufikia kuwa na idadi ya wanachama zaidi ya milioni mbili. Afarijika kuona kwamba kuna maeneo ambayo jumuiya imefanya vizuri kama kuanzisha chuo cha ufundi

  • Azitaka shule zilizoshindwa kusimamiwa zipelekwe mikononi mwa serikali ili ziendeshwe na serikali; na hivyo, serikali ipo tayari kugharamia madeni yote ili pesa zingine zitakazopatikana za jumuiya zitumike kuendesha miradi mingine ya jumuiya kwa manufaa ya jumuiya, na aihakikishia jumuiya kuwa hatowatupa

  • Awathibitishia wajumbe kwamba majina mapya ya wagombea uongozi ni majina safi ambayo yamepitishwa na kamati na lililobaki ni uchaguzi wa wajumbe wa Jumuiya ya Wazazi

  • Awaasa wajumbe wasikubali kuchaguliwa mtu wa kumpigia kura, au kupokea pesa ya ushawishi wa kura, vinginevyo watakuja kujuta

  • Awasihi kumtanguliza Mungu kabla ya kupiga kura na wamchague kiongozi asiyependa rushwa na atakayesimamia maslahi ya Jumuiya ya Wazazi na ambaye hatowapoteza

  • Awaeleza kwamba wasipofanya hivyo, majuto yake watakuja kuyaona baada ya miaka mitano kama historia inavyojieleza

  • Awatanabahisha wajumbe kwamba, wasije wakalaghaiwa kwamba Mwenyekiti taifa, au Katibu, au Mheshimiwa Majaliwa, au Mheshimiwa Mangula wana watu wao waliowapendekeza. Awaeleza wazi kwamba wagombea wote waliopitishwa na kamati wamepita kwa sifa zao na ni watu safi na yeyote atakayechaguliwa na wajumbe wa Jumuiya ya Wazazi baada ya uchaguzi kwisha ndiye mtu wake na ndiye mtu wa viongozi wote na wa jumuiya kwa ujumla

  • Atoa milioni 250 kutoka kwenye chama kwenda kwenye Jumuiya ya Wazazi. Awataka viongozi wawe watetezi wa chama, muungano na wenye umoja wa Watanzania wote, na awataka wakafanye tathmini ya mali zote ambazo ni miliki za jumuiya

  • Aitaka Jumuiya ya Wazazi kusimamia maadili ya Watanzania ambayo yanapotea katika jamii. Asema ingawa yeye ni shabiki wa muziki, lakini kila akifungua TV anaona baadhi ya vijana wanawake wako tupu na kuachia maungo yao, na hivyo ameitaka Jumuiya ya Wazazi kukemea maadili potofu katika jamii

  • Ahoji kwa kuuliza, kwani msichana akivaa kimaadili na akaimba nyimbo nzuri haitafurahisha wasikilizaji?

  • Aagiza taasisi husika kusimamia maadili na pia awaomba Watanzania bila ya kujali itikadi ya vyama vyetu tuyalinde maadili ya Watanzania. Aonya athari ya kukopi na kupesti kila kitu kutoka nje kutaipeleka taifa pabaya

  • Ahoji kwa kutoa mfano wa wazee wetu mama zetu kama Mama Maria Nyerere na Mama Fatma Karume wakati wao kama ilikuwa hivyo? Huku Mama Fatma Karume akitikisa kichwa katakata kuashiria kukubaliana na hoja ya Mheshimiwa Magufuli kuwa wakati wao haikuwa hivyo, na huku Mama Maria Nyerere akivuta pumzi za kupumzika akimsikiliza Mheshimiwa Magufuli kwa makini kabisa wakati Mheshimiwa Magufuli akiendelea kusema kwamba ana uhakika wakati huo haikuwa hivyo. Kisha akahoji kwa mara nyingine tena, tumeingiliwa na mdudu gani?

  • Mwenyekiti wa CCM, Mheshimiwa Magufuli akaendelea kusema, wakati mwingine hata akikaa kwenye TV na familia yake kuangalia muziki wa wazawa, ni aibu kubwa!

  • Ahoji taasisi husika pamoja na TCRA zipo wapi na hali ya kuwa yote haya yanaonyeshwa kwenye TV za jamii ya Watanzania? Akaihoji taasisi ya TCRA ambayo ina mamlaka ya kufungia kituo cha TV kinachoonyesha mambo ya ovyo, ipo wapi?

  • Aweka wazi kwamba, haya anayoyazungumza siyo kwasababu watu wasistarehe iwapo watastarehe kwenye majumba maalum ya starehe, lakini isivuke mipaka ya maadili ya Tanzania na mpaka kufikia kushawishi wengine ambao wanatumia vyombo vya kijamii kwa kuonesha utupu wa maungo yao

  • Aiomba taasisi ya Jumuiya ya Wazazi kukaripia vikali na kupigia kelele kila pale watakapoyaona maadili ya Kitanzania yanapotoshwa. Asema taasisi ipige kelele mpaka kelele zao zisikike kwenye kukemea maovu yenye kuvunja maadili ya Tanzania na hata kuikemea serikali pale jumuiya inapoona taasisi moja wapo inaachia misingi ya maadili ya taifa kumomonyoka

  • Awaomba wakaendelee kusimamia majukumu ya taasisi na asisitiza baadhi ya shule zirudi mikononi mwa serikali na si vinginevyo ili wapate kusoma watoto wa Kitanzania wa vyama vyote

  • Awaomba waendelee kusimamia na kutangaza sera na itikadi za Chama Cha Mapinduzi kwa kuzingatia umoja wa Watanzania wote na kusimamia maslahi yao

  • Afurahisha ukumbi baada ya kufanya dhihaka na Mheshimiwa Abdallah Bulembo juu ya zawadi yake na zawadi ya mkewe

  • Akaendelea kuwasihi wajumbe wasimchague mtu mwenye kutoa na kupokea rushwa, na wakifanya hivyo, maslahi yao hayatasimamiwa. Awataka viongozi watakaochaguliwa wapendekeze majina ya wanachama ili kupata nafasi mbalimbali katika kutumikia taifa. Kuongoza siyo umwinyi, kiongozi ni kuwa mtumishi wa wale unaowaongoza, amesema Mheshimiwa Magufuli

  • Akajitolea mfano kwa kusema, leo anasimama kifua mbele kusimamia maslahi ya Watanzania ni kwasababu hajahonga na wala hajahongeka, na kama angefanya hivyo, angekuwa kishauza uhuru wa Watanzania, na kwa hivyo, ana deni kwa Watanzania kwasababu walimchagua bila ya kuhonga

  • Aweka wazi kwamba, ana wajibu mkubwa kama Mwenyekiti wa chama kuzisimamia jumuiya za chama zilizowachwa na waasisi wa taifa, Mwalimu Nyerere na Mzee Karume, katika kusimamia misingi yake, na kama akishindwa kuzisimamia hizi taasisi maana yake ameshindwa yeye na yeye hakubali kushindwa, alisema Mheshimiwa Magufuli kwa hisia kali

  • Anazitaka jumuiya ziende kama zilivyoachwa na waasisi wetu na awahakikishia kutembea kifua mbele

  • Afurahishwa na maandalizi ya mkutano na amshukuru Mwenyekiti wa Jumuiya kwa kuiacha jumuiya ikiwa nzuri na awaomba kusimamia uchaguzi wa viongozi wapya watakaochaguliwa na wajumbe

  • Aishukuru Jumuiya ya Wazazi kwa kumkaribisha katika mkutano huo wa uchaguzi na awahakikishia kuwa pamoja na jumuiya. Ashukuru uwepo wa Mama Maria Nyerere na Mama Fatma Karume na viongozi wengine wakongwe, na uwepo wao ndiyo faraja kwa Chama Cha Mapinduzina awahakikishia kutowaangusha waasisi wa taifa kwasababu wao walijitolea na hata wengine kumwaga damu kwa ajili ya taifa la Tanzania

  • Asisitiza sana na awaomba wajumbe wasichague mtu kwasababu ya dini yake, au kabila lake, au ukanda wake, bali wachague mtu atakayeamini kuwa rushwa ni adui wa haki na mtu mwenye kuleta maendeleo ya jumuiya ili ijitegemee kiuchumi

  • Mwisho, afungua rasmi mkutano wa 9 wa Jumuiya ya Wazazi na aiombea Mungu Jumuiya ya Wazazi na aliombea taifa na watu wake

MHESHIMIWA RAIS JOHN POMBE MAGUFULI AWASHUKURU UVCCM KWA UKARIBISHO MZURI, AWATAKA VIJANA KUIPENDA NCHI YAO KWANZA, AELEZEA SIFA NA HISTORIA YA UVCCM, AWATAKA WAJUMBE UVCCM KUCHAGUA VIONGOZI WASIOHONGA NA WASIOHONGEKA, BILA YA KUCHAGUA KABILA, DINI AU UKANDA, AU VINGINEVYO WATALIANGAMIZA TAIFA, AWASIHI WASITENGENEZE MAGURUPU NA CHUKI NDANI YA CHAMA, AWATAKA WATATHMINI MALI ZA UVCCM NA KUZISIMAMIA KWA KUJITEGEMEA

MHESHIMIWA RAIS JOHN POMBE MAGUFULI AONGOZA SHEREHE ZA MIAKA 56 YA UHURU MJINI DODOMA

  • Mheshimiwa Rais John Pombe Magufuli aongoza sherehe za miaka 56 ya Uhuru, mjini Dodoma leo

  • Kabla ya hotuba yake, Mheshimiwa Rais aliwaomba wananchi kusimama kuashiria maombolezo ya wanajeshi wa Tanzania waliofariki nchini Kongo kwenye kulinda amani

  • Katika hotuba yake, Mheshimiwa Rais alimshukuru Mungu kuwa leo tarehe 9 Disemba, imefika miaka 56 ya uhuru wa Tanzania bara (Tanganyika) kutoka mikononi mwa wakoloni ambao ukoloni wao ulidumu kwa takriban miaka 76. Ikiwemo miaka 33 ya utawala wa Ujerumani na miaka 43 ya utawala wa Uingereza

  • Akumbusha historia na harakati za ukombozi zilizoongozwa na chama cha TANU cha Tanganyika ambacho kiliongoza ukombozi wa Tanganyika mwaka 1961 na baadaye kuungana na chama cha ASP cha Zanzibar ambacho kiliongoza ukombozi wa Zanzibar mwaka 1964 na kuunda Chama Cha Mapinduzi (CCM) mwaka 1977

  • Awapongeza wazee 17 waliopigania uhuru wa Tanganyika ambao waliongozwa na baba wa taifa, Mwalimu Julius Kambarage Nyerere, na vilevile atoa shukran za pongezi kwa wananchi waliokuwepo wakati huo ambao waliunga bidii za kutafuta uhuru wao ambao wengi wao wameshatangulia mbele ya haki, alisema Mheshimiwa Rais Magufuli

  • Aelezea baadhi ya mafanikio ya maeneo mbalimbali yaliyopatikana tangu kupatikana kwa uhuru ikiwemo, barabara mpya, madaraja mapya, vituo vya afya, shule za msingi na sekondari, vyuo vikuu, madaktari, wahandisi, wakandarasi, kukua kwa idadi ya watu, kukua kwa idadi ya mifugo na maendeleo ya mikoa mbalimbali ukiwemo mkoa wa Dodoma ukilinganisha ulivyo hivi sasa na wakati tulivyopata uhuru

  • Aliendelea kutaja vita dhidi ya rushwa na awapa hongera Watanzania wote kwa kulinda uhuru, umoja, amani, pamoja na muungano

  • Awashukuru na awapongeza viongozi wastaafu wa awamu zote zilizopita wa bara na visiwani kwa kulinda uhuru wa nchi kwa miaka 56

  • Afarijika kuona viongozi wastaafu wakiwepo jukwaani hapo katika kusherehekea sikukuu za uhuru, na kwahivyo, aipongeza na aitukuza demokrasia ya Tanzania kufananisha au bila ya kufananisha na nchi nyingine

  • Awapongeza wafanyakazi, wafanyabiashara, wasanii na Watanzania wote kwa ujumla kwa kufanikisha kupatikana kwa maendeleo aliyoyataja hapo awali na mengineyo mengi. Aliendelea kuvipongeza vyombo vyote vya ulinzi na usalama kwa kujitoa kwao na kwa kushiriki katika kulinda amani ya nchi kikamilifu na katika kupatikana mafanikio hayo ambayo ni kwa manufaa ya Watanzania wote bila ya kubagua dini, kabila, jinsia na rangi zao

  • Katika kuhitimisha sherehe za miaka 56 ya uhuru, Mheshimiwa Rais ameamua kutekeleza kwa vitendo, ibara ya 45 ya katiba ya Jamhuri ya Muungano wa Tanzania inayompa mamlaka ya kuachia huru wafungwa

  • Mheshimiwa Rais alisema mpaka jana, ndani ya magereza kulikuwa kuna wafungwa 39,000 ambao kati yao wafungwa 37,000 ni wanaume na wafungwa 2,000 tu ni wanawake. Mheshimiwa Rais alihoji takwimu hizo (katika falsafa ya kijamii) kwa kuzingatia kwamba uraiani zaidi ya asilimia 51 ni wanawake

  • Katika wafungwa hao, wengine walikuwa na hukumu ya kunyongwa kwa makosa mbalimbali lakini Mheshimiwa Rais atambua madhaifu ya kibinadamu ya waliopo gerezani kwa miaka mingi na kuamua baadhi yao kuwasamehe kwa kuwa wametambua makosa yao na wamejirekebisha walipokuwa gerezani

  • Mheshimiwa Rais awasamehe wafungwa 8,157 ambao kati yao 1,828 wanatoka leo na waliobaki 6,329 wamepunguziwa muda wa kukaa gerezani na watapata uafueni huo kulingana na vifungo vyao. Kati ya wafungwa hao wengine wameshafika umri wa kuwa wazee na washatumikia vifungo kwa muda mrefu

  • Mheshimiwa Rais alitanguliza kunukuu ibara ya 45 ya katiba ya Jamhuri ya Muungano wa Tanzania na alimtanguliza Mungu kwanza katika kufanya maamuzi ya misamaha ya  wafungwa hao. Aweka wazi kwamba, sababu ya kutanguliza ibara hiyo, ni kuonesha kuwa anayo mamlaka hayo lakini vilevile isichukuliwe vibaya kwamba kwa wale waliohukumiwa sheria haitotumika kwao, Mheshimiwa Rais alifafanua hilo wakati akitoa msamaha wa wahukumiwa wa makosa mbalimbali na wa kutoka kwenye magereza mbalimbali nchini akiwemo Nguza Viking (Babu Seya) na Johnson Nguza

  • Aendelea kupongeza vyombo vya ulinzi na usalama na wananchi kwa ujumla kwa kushirikiana katika kulinda amani na kudumisha muungano, umoja na mshikamano wa Watanzania. Avihakikishia vyombo vya ulinzi na usalama kwamba anavijali na hivyo maslahi yao yanazingatiwa

  • Atoa shukran nyingi kwa waandaazi wa sherehe za uhuru, burudani, chipukizi na waandishi wa habari kwa kufanikisha sherehe za uhuru

  • Awashukuru wageni na wawakilishi wote waliohudhuria kwenye sherehe hizo. Awashukuru wananchi wa Dodoma kwa ukarimu wao na awaahidi kuwajengea uwanja mkubwa wenye kuchukua watu wengi ambao unatarajiwa kuwekwa jiwe lake la msingi mwakani na mfalme wa Morocco ambaye ndiyo mfadhili mkuu wa uwanja huo

  • Mwisho, amewashukuru viongozi wastaafu kwa kuhudhuria sherehe hizo na akaliombea taifa na watu wake